Creamos o Recuncho da LSE virtual

Hoxe é venres, un dos días nos que estaríamos no Recuncho da LSE presencialmente para practicar un ratiño con vós. Como non queremos perder o costume, creamos un recuncho virtual no que podedes practicar vós mesmos. Só tedes que abrir a presentación, pinchar en avanzar (na dereita) e premer no olliño verde para ver como se executan os signos (na segunda páxina) e as expresións (na terceira páxina).

Esperamos seguir actualizando os paneis con novos signos mentres dure o confinamento nas casas, coa fin de continuar coa actividade normal. Confiamos en que vos guste! Moito ánimo a todos!

Recuncho da Lingua de Signos

O Equipo de Dinamización da Lingua Galega organiza unha actividade para difundir o coñecemento das linguas de signos e o uso da lingua de signos española (LSE). A actividade consistirá na habilitación dun recuncho no descanso do primeiro andar do EPAPU, no que se situará un panel informativo que recollerá cuestións relacionadas coas linguas de signos e enunciados da LSE. A información contida no panel cambiará mensualmente ata final de curso. Por outra parte, haberá tres sesións semanais para explicar dúbidas e ensinar algúns signos e conceptos relacionados con aspectos de comunicación básica nesta lingua.

Os horarios serán os seguintes:

• Venres de 11:00 a 12:00
• Mércores de 18:35 a 19:05
• Xoves de 16:45 a 17:15

Versión en Lingua de Signos Española:

Relatorio de Manuel Miragaia

O día 17 de febreiro terá lugar o relatorio Galego-portugués: Orixe, situación e futuro. A figura de Carvalho Calero, a cargo de Manuel Miragaia. Será na Aula 7 do EPAPU ás 11.30.