Día das Letras Galegas: Concurso de vídeopoemas en galego (segunda edición)

Boas a todos!

Queremos celebrar que se achega o día das Letras Galegas (este ano dedicado a Xela Arias) convocando de novo o concurso de vídeopoemas en galego. Probade a ser creaivos unha vez máise enviádenos a vosa presentación! As bases podedes lelas no cartaz:

VERSIÓN en LSE:

Gañadoras do Concurso de Postais de Nadal do EDL

Aquí temos as gañadoras dos tres premios do Concurso de Postais de Nadal de 2020. Podedes ver os deseños no vídeo. Noraboa!

Primeiro premio: Margarita Díaz Fernández

Segundo premio: Estefanía Vázquez Argerey

Terceiro premio: María del Carmen López Muñoz

Bo Nadal!

Xa temos gañadores do concurso de videopoemas!

Ola a todos!

Esperamos que sigades ben. Queremos comunicarvos que, como publicamos nas redes hai uns días, xa temos gañadores do Concurso de Videopoemas celebrado co gallo do Día das Letras Galegas:

Moitísimas grazas a todos pola vosa participación!

XA TEMOS GAÑADORES!

Queres participar en Abrindo paso?

Ola de novo!

Esperamos que sígades todos ben. Queremos comentarvos que este ano tamén sacaremos o número correspondente da revista do centro, Abrindo paso, o nº 11 xa, pero cunha novidade: imprimirase en setembro para publicala a principio do curso. Tendo en conta a situación na que nos atopamos, cremos que é o máis axeitado neste momento. Así, coma sempre, pedimos a vosa colaboración para enchela de contido e que fagades  propostas de artigos ou outro tipo de colaboración.

Só unhas pequenas normas:

  • Todos os traballos deberán levar autoría e curso.
  • Non poden ser un simple corta-pega.
  • Deben enviarse en formato editable, non un pdf. Si que se pode enviar, a maiores do formato editable, un pdf ou foto do artigo se se desexa dar unha indicación sobre forma, posición de imaxes, etc.
  • As imaxes deben enviarse cada unha por separado do artigo (inda que tamén se inclúan nel).
  • Todas as imaxes teñen que incluír a orixe ou autoría (web, etc).
  • O traballo debe incluír bibliografía (libros, artigos, webs, …).
  • É moi conveniente que se inclúa tamén teléfono e correo electrónico de contacto.

A data límite para entrega dos artigos será na primeira semana de xuño.

Podes enviar a túa colaboración e consultares dúbidas neste correo electrónico: naturaisepalugo@yahoo.es

Animádevos a enviarnos a vosa colaboración!

 

Revista Abrindo Paso.png

VERSIÓN EN LSE: