Día das Letras Galegas: Concurso de vídeopoemas en galego

Boas a todos!

Achégase o día das Letras Galegas, no que este ano se homenaxea a Ricardo Carvalho Calero. Pola nosa parte queremos celebrar este día convocando un concurso de vídeopoemas en galego. Dádelle ás á vosa creatividade e enviádenos a vosa presentación! As bases son as seguintes:

  • A participación neste concurso implica a creación dunha presentación audiovisual breve que inclúa un poema en lingua galega.
  • A temática será libre. O poema deberá conter como mínimo 6 versos e irá acompañado de imaxes e de música ou voz.
  • Poderá participar no concurso calquera membro da comunidade educativa. Cada concursante poderá entregar só unha presentación. A participación no concurso presupón a aceptación destas bases.
  • O poema deberá ser orixinal, non copiado doutro autor nin traducido doutra lingua.
  • Lembra que as imaxes e a música utilizadas deben ser de uso libre e non estar suxeitas a dereitos de autoría que impidan o seu uso e publicación.
  • A presentación deberá entregarse obrigatoriamente por dúas vías:
    • Enviándoa ao enderezo electrónico do centro: epa.albeiros.lugo@edu.xunta.es indicando no asunto “Concurso de videopoemas”. Tamén se indicará no texto do mail o NOME, CURSO E GRUPO da persoa participante e o TÍTULO do vídeopoema. De resultar gañador/a comunicarase respondendo ao enderezo electrónico do remitente.
    • Subíndoo ao FACEBOOK do EPAPU como resposta ao post que anuncia o concurso.
  • O prazo de presentación rematará o sábado 30 de maio de 2020 ás 23:59.
  • O xurado estará composto por membros do EDLG e membros do equipo directivo do centro.
  • Premios:
      • Primero premio: 30 euros en material escolar.
      • Segundo premio: 15 euros en material escolar.

CONCURSO DE videopoemas.png

VERSIÓN EN LSE:

 

Creamos o Recuncho da LSE virtual

Hoxe é venres, un dos días nos que estaríamos no Recuncho da LSE presencialmente para practicar un ratiño con vós. Como non queremos perder o costume, creamos un recuncho virtual no que podedes practicar vós mesmos. Só tedes que abrir a presentación, pinchar en avanzar (na dereita) e premer no olliño verde para ver como se executan os signos (na segunda páxina) e as expresións (na terceira páxina).

Esperamos seguir actualizando os paneis con novos signos mentres dure o confinamento nas casas, coa fin de continuar coa actividade normal. Confiamos en que vos guste! Moito ánimo a todos!

A experiencia do Recuncho da LSE

Levamos xa tres semanas de Recuncho da LSE, a actividade organizada polo Equipo de Dinamización da Lingua Galega que anunciamos no post anterior. Queremos compartir con vós como se está desenvolvendo esta experiencia ata o momento. Os grupos que nos visitaron foron na súa meirande parte de alumnado que asiste actualmente ás clases de Galego e castelán para inmigrantes. Ademais de contarlles algunhas características das linguas de signos, puidemos falar con eles sobre algúns aspectos da comunicación non verbal nos seus países de procedencia, e comprobar así as diferenzas e similitudes que existen. Despois fixemos unha pequena sesión de lingua de signos, onde practicamos o alfabeto dactilolóxico e expresións básicas para saudar e identificarse. Moitos dos asistentes puideron por primeira vez dicir o seu nome en lingua de signos española e comezar a pensar no seu signo identificativo. Cando volte a normalidade, esperamos contar de novo con eles para aprender signos útiles para comunicarse no centro, e confiamos en que outros alumnos, profesores e persoal non docente do EPAPU se achegue para seguir enriquecendo o recuncho.

Foto Recuncho LSE

1.jpg2.jpg

Versión en LSE:

Recuncho da Lingua de Signos

O Equipo de Dinamización da Lingua Galega organiza unha actividade para difundir o coñecemento das linguas de signos e o uso da lingua de signos española (LSE). A actividade consistirá na habilitación dun recuncho no descanso do primeiro andar do EPAPU, no que se situará un panel informativo que recollerá cuestións relacionadas coas linguas de signos e enunciados da LSE. A información contida no panel cambiará mensualmente ata final de curso. Por outra parte, haberá tres sesións semanais para explicar dúbidas e ensinar algúns signos e conceptos relacionados con aspectos de comunicación básica nesta lingua.

Os horarios serán os seguintes:

  • Venres de 11:00 a 12:00
  • Mércores de 18:35 a 19:05
  • Xoves de 16:45 a 17:15

CARTAZ LSE

Versión en Lingua de Signos Española:

Nova edición do Concurso “Dimo en galego”

Co gallo do 14 de febreiro, o Equipo de Dinamización da Lingua Galega da EPAPU Albeiros convoca unha nova edición de o concurso de mensaxes que mostren agarimo e afecto cara outra persoa con formato de mensaxe breve (SMS, Whatsapp, email …). O prazo para presentar as mensaxes será o 15 de febreiro de 2020. Deixamos aquí as bases do concurso e a súa versión en LSE. Animádevos a participar!

DIMO EN GALEGO BASES 2020

Versión en LSE:

 

Gañadores do Concurso de postais de Nadal

Xa temos gañadores do Concurso de Postais de Nadal:

  • 1º Premio: Cristina López Valiño (1º BAC)
  • 2º Premio: Cindia Veiga Díaz (3º ESA)
  • 3º Premio: Laura Pozo Castro (2º BAC)

Deixámosvos un vídeo presentación cunha mostra dalgunhas das postais que presentou o alumnado.

Concurso de Fotografía: A diversidade no EPAPU Albeiros e no Barrio de Milagrosa

O EDLG convoca a segunda edición do concurso de fotografía. Nesta ocasión, o tema será a diversidade no EPAPU Albeiros e no Barrio da Milagrosa. As fotografías deberán retratar a diversidade cultural e social do noso centro e do noso barrio, reflectindo todo o que demostre a convivencia positiva. O prazo para enviar as vosas fotografías é o 30 de abril de 2020. Deixámosvos as bases aquí debaixo, así como a versión en LSE:

CONCURSO DE FOTOGRAFÍA 2020.png

Gañadores do concurso do Samaín

Co gallo do Samaín, o EDLG convocou un concurso de banda deseñada e de relato breve. Os gañadores son:

Laura Pazo Castro (2º BAC): Primeiro Premio de Narrativa con “Na maleza”.

Jael Balseiro Porto (2º BAC): Primero Premio de Comic-Banda Deseñada.

Noraboa aos dous!

Cartaz.png